【聖誕禮物推薦2022｜交換禮物推介】

距離聖誕還剩不到一個月，接下來就是一連串的聖誕派對、聚會，是時候準備好聖誕交換禮物！不論是送給男女朋友、閨蜜、朋友還是同事的交換禮物，都需要花不少心思去選，Brilliant Mlle 就為大家準備了2022年聖誕禮物提案，精選出最實用、高質感的禮物交換，絕對不用擔心會被嫌棄！

交換禮物聖誕推薦2022｜HAAN蘆薈消毒潔手噴霧

雖然而家疫情已經無咁緊張，但係時刻保持個人衛生都好重要㗎！可愛又迷人的便攜式消毒潔手噴霧將會成為您每日的必需品，成為禮盒類型禮物的考慮之一！HAAN潔手噴霧有效消滅99.99%細菌病毒，更用上天然蘆薈汁，消毒同時呵護雙手！Daily Moods系列有5款獨特、天然、舒適的香味選擇，男女都適用！

圖片來源：BEAUTYSAUR

交換禮物聖誕推薦2022｜台灣製造 富士山水泥擴香石

說到富士山，一定無人不歡！平平無奇的富士山擺設只能擺放，沒有用途。但如果它是擴香石的話，就既美觀又實用了！這款性價比高的富士山設計擴香石以水泥製造，摸上手非常平滑有質感，更附送香薰精油，有不同香味可選：甜橙、薰衣草等，滴一滴就可以醒醒晨，比起香薰蠟燭更安全耐用，每位朋友都適合用啦！

Mount FUJI 富士山擴香石 附10ml精油 $140.5起

抽獎禮物聖誕推薦2022｜本土味濃 香港井蓋杯墊

記者非常私心水泥產品，對水泥實在是零抵抗力！所以第二樣推介給大家的是本土製作的水泥杯墊，其特別之處是使用了香港街道上常見的井蓋、觸覺引路等物件作藍本，並以水泥製作出成品，凹凹凸凸，非常有質感！相信作為香港人的你，看見這些熟悉的公共物件，一定感受到濃厚的本土情懷！

圖片來源：CONCRETOLOGY

交換禮物聖誕推薦2022｜每天都是新的開始！手撕語錄日曆

聖誕節緊接就係新一年啦，每年都想買個年曆俾朋友或另一半，鼓勵吓佢新一年要積極生活！但今年可以考慮吓呢款特別啲嘅日曆，每天過去就撕開下一頁，寓意新一天都係新的開始！而每一頁都印有勵志嘅語錄，簡直係心靈雞湯，每一日都可以重新出發！

圖片來源：Pinkoi

交換禮物聖誕推薦2022｜Häagen-Dazs™迪士尼雪糕火鍋

推出節日限定迪士尼派對產品，包括以米奇、米妮同唐老鴨嘅立體造型火鍋爐，超可愛又有收藏價值！冰凍雪糕球沾滿熱烘烘朱古力醬後，會極速形成脆皮外層，諗起都流晒口水，一定要同你嘅最愛一齊分享！

迪士尼雪糕火鍋 $569 購買地點：Häagen-Dazs™門市

交換禮物聖誕推薦2022｜THE BODY SHOP身體護理禮盒節日松香味

THE BODY SHOP每年推出嘅聖誕套裝都絕對唔會令人失望，不論喺功效方面定係氣味方面，都會令收到呢份禮物嘅人愛不釋手！呢款節日限定版嘅身體護理產品係節日松香同暖心香橙香味，套裝包括兩隻味嘅身體潤膚霜及沐浴露，適合所有肌膚使用，用完即刻滑嘟嘟！

節日限定版身體護理禮盒 - 節日松香 & 暖心香橙